សេចក្ដីប្រកាសព័ត៌មានរបស់ក្រសួងចុះថ្ងៃទី១២ឧសភា បើទោះបីជា មិនទាន់មានភស្ដុតាងបញ្ជាក់ថា វីរុសប្រភេទថ្មីនេះ អាចបណ្ដាលឱ្យមានជំងឺធ្ងន់ធ្ងរជាងប្រភេទវីរុសអូមីក្រុងមុនៗ ប៉ុន្តែមេរោគប្រភេទថ្មី ជេអ៊ិន១ អាចឆ្លងកាន់តែខ្ពស់និងលឿន និងអាចបញ្ជ្រាបចូលក្នុងប្រព័ន្ធភាពស៊ាំរបស់មនុស្សកាន់តែខ្លាំង។
ក្រសួងគូសបញ្ជាក់ថា អ្នកដែលមានប្រព័ន្ធការពាររាងកាយខ្សោយ អ្នកមានជំងឺរ៉ាំរ៉ៃ ទឹកនោមផ្អែម លើសឈាម មនុស្សចាស់ជរា និងស្ដ្រីមានផ្ទៃពោះ ត្រូវបង្កើនការប្រយុទ្ធឱ្យបានខ្ពស់ជាចាំបាច់។
ការចេញសេចក្ដីប្រកាសព័ត៌មានរបស់ក្រសួងសុខាភិបាលកម្ពុជានេះ ធ្វើឡើងស្របពេលប្រទេសថៃ ក៏បានព្រមានពលរដ្ឋរបស់ខ្លួន ពីការកើនឡើងឡើងនៃករណីឆ្លងជំងឺកូវីដ១៩ប្រភេទបំប្លែងថ្មី បន្ទាប់ពីមានអ្នកស្លាប់ចំនួន៦នាក់ និងឆ្លងថ្មីជាង១ម៉ឺន៦ពាន់ (១៦,៦០៧) នាក់ កាលពីសប្ដាហ៍មុន។
កាសែតបាងកកប៉ុស្ដិ៍ចុះផ្សាយនៅថ្ងៃទី១៣ឧសភាថា វ៉ាក់សាំងមិនអាចឆ្លើយតបប្រឆាំងទៅនឹងវីរុសបំប្លែងថ្មីនោះទេ ដោយសារតែវ៉ាក់សាំងកន្លងមក មានលទ្ធភាពអាចជួយការពារបានតែពពួកមេរោគបំប្លែងចាស់ៗ របស់កូវីដ១៩ប៉ុណ្ណោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។